Bəqi qəbiristanlığındakı 4 İmam (ə.s)-rın mübarək məzarları Əhli-Beyt (ə.s)-rın düşmənləri tərəfindən dağıdılmamışdan əvvəl
Əhli-Beyt düşmənləri tərəfindən dağıdıldıqdan sonra
Hacı Əhliman:
İmam Zaman Hz.Mehdi (ə.f)-ağaya, din böyüklərimizə və bütün möminlərə İmam Cəfər Sadiq (ə.s)-ın Şəhadəti münasibəti ilə baş sağlığı verir və səbr diləyərək bütün müsəlmanları İmam Cəfər Sadiq (ə.s)-ı dərindən tanımağa dəvət edirəm.
Allahdan bütün möminlərə İmamın pak, müqəddəs qəbrinin ziyarətini və şəfaətini dua edirəm.
İmam Cəfər (ə) əziz Peyğəmbərimizin (s) vəfatından təxminən yetmiş il sonra, hicrətin 83-cü ili Peyğəmbərin (s) dünyaya gəldiyi gün müqəddəs Mədinə şəhərində İmam Baqirin (ə) və xanım Ümmü-Fərvənin ailəsində dünyaya göz açıb. Onun atası İmam Hüseynin (ə), anası isə İmam Həsənin (ə) nəslindən idilər. Hicrətin 114-cü ilində 31 yaşında ikən atasının zəhərləndirilməsindən sonra İmamət məqamına yetişmişdi.
İmam Sadiq (ə) həyatı boyu təzyiq və təqiblərə məruz qalıb. Hələ atasının sağlığında Əməvi xəlifəsi Hişamın əmri ilə Həzrət Dəməşqə sürgün olunmuşdu. Daha sonra Abbasi xəlifələri Səffah və Mənsurun əmri ilə İmam (ə) iki dəfə sürgünə göndərilmişdi. O, Mədinəyə qayıtdıqdan sonra təqiyyə (öz əqidəsini gizlətmək) edərək yaşamışdır. Hicrətin 148-ci ilində 65 yaşında ikən İmam Sadiq (ə) xəlifə Mənsurun təhriki ilə zəhərləndirilərək şəhid edilmişdir. İmamın mübarək məzarı Mədinədə, Bəqi qəbiristanlığında yerləşir.
Allah-Təala bizləri Peyğəmbərdən (s) və Əhli-Beytindən (ə) hər iki dünyada ayrı salmasın.
