İmam Zaman Hz.Mehdi (ə.f)-ağaya, din böyüklərimizə və bütün möminlərə İmam Cəfər Sadiq (ə.s)-ın Şəhadəti münasibəti ilə baş sağlığı verir və səbr diləyərək bütün müsəlmanları İmam Cəfər Sadiq (ə.s)-ı dərindən tanımağa dəvət edirəm.
Allahdan bütün möminlərə İmamın pak, müqəddəs qəbrinin ziyarətini və şəfaətini dua edirəm.
İmam Cəfər (ə) əziz Peyğəmbərimizin (s) vəfatından təxminən yetmiş il sonra, hicrətin 83-cü ili Peyğəmbərin (s) dünyaya gəldiyi gün müqəddəs Mədinə şəhərində İmam Baqirin (ə) və xanım Ümmü-Fərvənin ailəsində dünyaya göz açıb. Onun atası İmam Hüseynin (ə), anası isə İmam Həsənin (ə) nəslindən idilər. Hicrətin 114-cü ilində 31 yaşında ikən atasının zəhərləndirilməsindən sonra İmamət məqamına yetişmişdi.
Mübarək Ramazan ayında İlahi ziyafətdə qonaq olan əziz və möhtərəm iman əhli! Sizin hər birinizi bu mubarək Ramazan ayında salamlamaqdan şərəf duyub, ümidvarıq ki, Siz bu İlahi ziyafətdəki nemətlərdən bəhrələnmisiniz, mənəvi durumlarınızı daha da bərəkətləndirmisiniz...
Bu gecə (avqustun 21-dən 22-nə keçən gecə) ikinci Qədr gecəsidir.
Əhya saxlayan şəxsə aşağıdakı əməlləri yerinə yetirmək müstəhəbdir:
1) Qüsl etmək. Qüsl edərkən belə niyyət etməlidir: "Əhya gecəsinin qüslünü edirəm qürbətən iləllah”. Bu qüslün böyük savabı vardır.
2) Səhərə qədər oyaq qalıb ibadətlə məşğul olmaq. Səhərə qədər oyaq qalıb ibadətlə məşğul olmağın mənası budur ki, insan Quranı qarşılayaraq deyir: "İlahi, Sən bu gecə mənə Quran nazil edirsən və mən də bu gecə səhərə qədər oyaq qalıb onu qarşılayıram”...
Əmirəl mominin Əli (ə.s) Hicrətin 40-cı ili Ramazan ayının 18-dən 19-na keçən gecə xəvaric ibni mülcəm tərəfindən başından qılıncla zərbələndi 21 Ramazanda şəhadətə qovuşdu.
21 Ramazan Əli (ə.s)-ın şəhadətidir. Əllahumməl ən qətələtə Əmirəl momininə
Ramazan ayının 15-i İmam Həsən (ə.s)-ın mövlud günüdür.
Mövludun mübarək, Ya Həsən ibn Əli!
Bu gün Ramazan ayının 15-i, İmam Həsənin (ə) mübarək mövlud günüdür. Hicrətin 3-cü ili mübarək Ramazan ayının 15-ci gecəsində müsəlmanların 2-ci imamı İmam Həsən ibn Əli (ə) Mədinə şəhərində dünyaya göz açıb. O Həzrətin (ə) Seyyid, Sibt, Əmin, Hüccət, Nəqi, Zəki, Zahid və Müctəba kimi ləqəbləri vardır. Dünyaya gəldikdən 7 gün sonra anası Həzrəti Fatimə (s.ə.) İmam Həsəni (ə) ipək parçaya bükərək Allah Rəsulunun (s) yanına aparır. Bu ipək parçanı vəhy mələyi Cəbrail (ə) cənnətdən Peyğəmbərimiz (s) üçün gətirmişdi. Həzrət Peyğəmbər (s) uşağın adını Həsən qoydu və onun üçün əqiqə olaraq bir qoyun kəsdi. Mövlud münasibəti ilə başda İmam Zaman (ə.f) olmaqla bütün müsəlmanları təbrik edirik. Allah bizlərə İmam Həsənin (ə) layiqli ardıcıllarından olmaq tofiqatını nəsib etsin!
İkinci imam Həsən Müctəba (ə)-dır. İmam Həsən və imam Hüseyn (ə) Əli (ə)-la Peyğəmbərin (s) qızı Fatimənin övladları idilər. Peyğəmbər (s) dəfələrlə buyurmuşdur: "Həsən və Hüseyn mənim övladlarımdır.” Buna görə də Əli (ə) özünün başqa övladlarına buyururdu: "Siz mənim övladlarımsınız, Həsən və Hüseyn isə Peyğəmbərin (s) övladlarıdır.”
Ramazan ayının 10-u Həzrəti Xədiceyi Kubranın (s.ə.) dünyadan köçdüyü gündür.
Mübarək Ramazan ayının onuncu günü Xədiceyi Kubranın (s.ə.) vəfatı günüdür. Həzrəti Xədicə (s.ə.) Peyğəmbərin (s) ilk həyat yoldaşı olub. O, İslamı qəbul edən ilk xanım olmaqla yanaşı Allah Rəsuluna (s) ən yaxın insanlardan idi. Onun bəşər tarixində yeri barədə bunu qeyd etmək kifayətdir ki, o, Xanım Fatimeyi-Zəhranın (s.ə.) anası və 11 imam (ə) nənəsidir. İslam Peyğəmbərinin bütün nəsli Xədicə xanımdandır.
